KS Chithra Birthday : సింగర్ చిత్ర రేర్ ఫోటోలు చూశారా..?

ఇండస్ట్రీలో ఎంతోమంది సింగర్స్ ఉన్నారు. కానీ తమ గాత్రంతో శ్రోతలను మెస్మరైజ్ చేసే వాళ్లు మాత్రం కొందరే ఉంటారు. అలాంటి లెజండరీ సింగర్స్ లో కెఎస్ చిత్ర ఒకరు. ఈరోజు ఆమె పుట్టినరోజు వేడుకలు జరుపుకుంటున్నారు. ఈ సందర్భంగా ఆమెకి సంబంధించిన రేర్ ఫోటోలపై ఓ లుక్కేద్దాం!

జూలై 27న 1963లో కేరళలోని తిరువనంతపురంలో జన్మించారు చిత్రం. ఆమె కుటుంబంలో చాలా మంది పాటలు పాడుతుంటారు. ఆమె తండ్రి కృష్ణన్ నాయర్ ఆమెకి మొదటి గురువు.

చిత్ర చిన్నప్పటి నుండి పాటలు పాడడం మొదలుపెట్టారు. తన మొదటి పాటను 1979లో రికార్డ్ చేశారు. 'అట్టాసం' అనే ఈ సినిమా 1983లో విడుదలైంది.

ఇళయరాజా, ఏఆర్ రెహ్మాన్ లాంటి సంగీత దర్శకులు కంపోజ్ చేసిన ఎన్నో పాటలకు తన గాత్రంతో ప్రాణం పోశారు చిత్ర.

'సింధుభైరవి'లో 'పాడలేను' అనే పాటతో తెలుగు వారికి పరిచయమయ్యారు చిత్ర.

ఆమె స్పెషాలిటీ ఏంటంటే.. ఎప్పుడూ నవ్వుతూనే ఉంటుంది. ఎమోషనల్ సాంగ్స్ తప్పించి ఆమె ఎలాంటి పాటలు పాడినా.. నవ్వుతూనే పాడతారు.

తన నవ్వే తనకు బలమని.. అదే తనను ఈ స్థాయికి తీసుకొచ్చిందని చిత్ర చెబుతుంటారు. నవ్వుతున్న ముఖం ఉత్సాహపరుస్తుందని ఆమె చెబుతుంటారు.

ఇప్పటివరకు ఆమె ఆరు జాతీయ అవార్డులను సాధించారు. అందరూ ఆమెని నైటింగేల్ ఆఫ్ సౌత్ ఇండియా అని పిలుస్తుంటారు.